Turismo de Moaña

 Rúa as Barxas, 2, 36950 Moaña, Pontevedra  alcaldia@concellodemoana.org,desarrollo@softmarka.es  609 74 61 70

Un concello que mira ao mar, bañado ao longo de 20 km de praias suaves polaría de Vigo. Situada en sucesivas pendentes que forman montes e vales,Moañaesténdese baixo omonte Gagán, onde está situadoO Faro de Domaio, o punto máis alto doMorrazo(624 m). É, polo tanto, un lugar xeograficamente accidentado, que permite en pequenas distancias gozar dunha diversificación paisaxística moi ampla. Con case 20.000 habitantes e unha extensión de algo máis de 35 km²,Moañaocupa a parte meridional dapenínsula do Morrazo, un conxunto enmarcado polas rías dePontevedra e Vigo, que constitúe o seu referente histórico e natural.

Como división administrativa, Moaña nace en 1874. Ata ese momento o seu devir histórico confúndese co da súa comarca, a península do Morrazo, un espazo xeográfico onde o ser humano deixou pegada dende os tempos máis remotos. Así mesmo, Moaña foi testemuña e protagonista de varios acontecementos históricos de singular importancia como foron a batalla de Rande e as guerras Irmandiñas.Leer máis

Moaña conta con 20 km de costa onde poder gozar de fermosas praias para todos os gustos: extensas, salvaxes, pequenas calas, urbanas, de augas profundas, etc. Unha ampla variedade de praias, apenas separadas por breves cantís e pequenos portos pesqueiros. Son especialmente recomendables a da Xunqueira e a do Con.Leer máis

A comarca do Morrazo é un sitio onde o bo comer é case unha obriga. Especialmente recomendables son os pratos elaborados a partir dos produtos do mar típicos da ría de Vigo, na que se sitúa Moaña. Resulta inescusable pasar por Moaña e non probar os produtos como os camaróns, as nécoras, o polbo ou os mexillóns.Leer máis

En Moaña ten unha especial importancia o deporte, algo que se reflicte na gran cantidade de infraestruturas coas que conta: campos de fútbol, club de tenis, campo de golf, complexo deportivo e de lecer A Talangreira do Beque onde, ademais de practicar diversos deportes, pódese facer noite en plena montaña.Leer máis

Moaña posúe un valioso patrimonio cultural e conta con numerosos lugares de interese pertencentes a diferentes momentos históricos. De entre eles destacan, debido as súas características: a igrexa de San Martiño, o dolmen e a mámoa da Chan da Arquiña, a igrexa de San Xoán de Tirán, o paseo marítimo…Leer máis

Moaña ofrécelles ás persoas que a visitan atractivos inesgotables, entre eles unha privilexiada paisaxe na que o mar, sempre protagonista, amósase con todo o seu esplendor. Os nosos montes esconden fermosos espazos naturais de ecosistemas privilexiados e referencias míticas como A Poza da Moura.Leer máis

Posúe ademais, un clima privilexiado de tipo oceánico, húmido e con lixeiras variacións de temperatura. Os invernos son moi suaves e os veráns secos e cálidos. A temperatura media anual rolda os 15º (invernos entre 8º – 12º e veráns entre 20º – 25º).

Todas as parroquias de Moaña contan coas súas festas típicas cheas de carácter e tradición. Destacan entre outras: San Benito, a Romaría de Bronlle, San Bartolameu, a Virxe do Carme, Os Milagres, San Martiño, a Romaría da Virxe dos Remedios…Leer máis

En Moaña atoparás unha ampla oferta de aloxamentos, hoteis, casas rurais, pensións, etc. Lugares con encanto de trato familiar e próximo, adaptados a todos os presupostos.

Características: